Mae’r Ystafell Arabaidd yng Nghastell Caerdydd yn deyrnged i batrymau Islamaidd gan y pensaer Fictoraidd, William Burges. Roedd penseiri Islamaidd hynafol wrth eu bodd gyda phatrwm ac fe ddatblygon nhw geometreg a chymesuredd cymhleth. Fe fydden nhw’n ailadrodd, yn cylchdroi ac yn adlewyrchu siapiau fel nad oedd un siâp yn gorbwyso’r gweddill ac roedd y patrwm yn ymddangos fel ei fod yn parhau am byth, fel y nefoedd. Yr enghreifftiau mwyaf gwych yw palasau’r Alhambra yn Sbaen, a adeiladwyd yn y 14eg a’r 15fed ganrif. Adeiladodd William Burges yr Ystafell Arabaidd yng Nghastell Caerdydd tua 1880.
Defnyddiodd William Burges syniadau Islamaidd yn ei ffordd ei hun. Fel rhai o ystafelloedd yr Alhambra, roedd llawr ei ystafell yn sgwâr gan godi’n stepiau i fyny at nenfwd wythonglog. Ond roedd nifer o’r elfennau a ddefnyddiodd ddim yn Islamaidd, er enghraifft adar a phatrymau blodau arddull Fictoraidd.
Tasg
Byddwch angen bwrdd gwyn neu sgriniau eraill.
- Edrychwch yn ofalus ar y llun ac ar yr agoslun o’r nenfwd.
- Sawl aderyn sydd yn y canol?
- Sawl pigyn sydd i’r seren yn y canol?
- Sawl llinell cymesuredd sydd yn y seren ganol?
- A yw’r llinellau cymesuredd yn ymestyn allan yn bellach na’r seren?
- A yw’r adar yn cydweddu’n union gyda’r cymesuredd?
- Sawl cromen gron sydd yna?
- Sawl gwaith mae’r patrwm yn y cromenni yn cael ei ailadrodd?
- Sawl llinell cymesuredd allwch chi eu gweld ar draws y cromenni?
- Pa batrymau ailadroddol allwch chi eu gweld?
Ymweld
- Gallwch ymweld â'r Ystafell Arabaidd yng Nghastell Caerdydd.